Don't Miss

റഹ്മാനും പൃഥ്വിരാജും വീണ്ടും ഒന്നിക്കുന്നു


മുംബൈ പോലീസിനുശേഷം പൃഥ്വിരാജും റഹ്മാനും ഒരിക്കല്‍ക്കൂടി ഒന്നിക്കുന്നു. ഡെട്രോയിറ്റ് ക്രോസിങ് അഥവാ രണം എന്ന് പേരിട്ട ചിത്രം ശ്യാമപ്രസാദിന്റെ സഹായിയായിരുന്ന നിര്‍മല്‍ സഹദേവാണ് സംവിധാനം ചെയ്യുന്നത്. മിഷിഗണ്‍, ഡെട്രോയ്റ്റ് എന്നിവിടങ്ങളിലെ കുടിയേറ്റക്കാരുടെ കഥ പറയുന്നതാണ് ചിത്രം. തമിഴ് തെരുവുഗുണ്ടയായി പൃഥ്വിരാജെത്തും.


അണിയറയില്‍ ചിത്രീകരണം പുരോഗമിക്കുന്ന സിനിമയുടെ കൂടുതല്‍ വിശേഷങ്ങള്‍ പുറത്ത് വന്നിരിക്കുകയാണ്. ചിത്രത്തില്‍ പൃഥ്വിയ്‌ക്കൊപ്പം റഹ്മാനും അഭിനയിക്കുന്നുണ്ടെന്നാണ് പറയുന്നത്. മുമ്പ് മുംബൈ പോലീസ് എന്ന സിനിമയില്‍ ഇരുവരും ഒന്നിച്ചഭിനയിച്ചിരുന്നു. പുതിയ സിനിമയിലെ കഥാപാത്രം താന്‍ ഇതുവരെ ചെയ്യാത്ത ഒന്നായിരിക്കുമെന്നാണ് റഹ്മാന്‍ പറയുന്നത്.

Image result for റഹ്മാനും പൃഥ്വിരാജും വീണ്ടും ഒന്നിക്കുന്നു

സിനിമയെ കുറിച്ചുള്ള സസ്‌പെന്‍സുകളില്‍ ഒന്നാണ് തന്റെ കഥാപാത്രമെന്നും അതിനാല്‍ സിനിമയെ കുറിച്ചുള്ള കൂടുതല്‍ വിവരങ്ങള്‍ പുറത്ത് വിടാന്‍ പറ്റില്ലെന്നും താരം പറയുന്നു. നിലവില്‍ സിനിമയുടെ ചിത്രീകരണം യു എസിലാണ് നടക്കുന്നത്. നവാഗത സംവിധായകനാണ് സിനിമ സംവിധാനം ചെയ്യുന്നതെങ്കിലും ചിത്രത്തില്‍ നിന്നും ഒരുപാട് പാഠങ്ങള്‍ പഠിക്കാനുണ്ടെന്നും താരം വ്യക്തമാക്കിയിരിക്കുകയാണ്.

Total
0
Shares

About admin