Vertikal media Media
ദിലീപ് കാരണം താൻ മദ്യപാനം നിർത്തിയെന്നു തുറന്നു പറഞ്ഞ് ധർമജൻ ബോൾഗാട്ടി. ട്രോളന്‍മാര്‍ എന്ത് പറഞ്ഞാലും തുറന്നു പറയാതിരിക്കാൻ കഴിയുന്നില്ല. ദിലീപിനു ജാമ്യം കിട്ടിയ ദിവസമാണ് അവസാനമായി മദ്യപിച്ചത്. അന്ന് പലരും കുറ്റം പറഞ്ഞു. കൈരളി ടിവിയിലെ ജെബി ജംഗ്ഷന്‍ പരിപാടിയിലാണ് ധര്‍മജൻ മനസ്സ് തുറന്നത്.
സംഭവത്തെക്കുറിച്ച്‌ ധര്‍മജന്‍ പറയുന്നത് ഇങ്ങനെ:
‘നടി ആക്രമിക്കപ്പെട്ട കേസില്‍ ദിലീപിന് ജാമ്യം ലഭിച്ചെന്ന വാര്‍ത്ത അറിയുന്നത് വീട്ടില്‍ നാദിര്‍ഷായുടെ ഫോണ്‍ കോളിലൂടെയാണ്. ആ സന്തോഷത്തില്‍ മൂന്നാലെണ്ണം അടിച്ചു. കുടിച്ചത് അറിയാതിരിക്കാന്‍ കൂളിംഗ് ഗ്ലാസ് വച്ചാണ് ജയില്‍ പരിസരത്തേക്ക് പോയത്.’
‘അന്ന് കള്ളുകുടിച്ചു ജയിലിലിന് മുന്‍പില്‍ പോയതിനു എന്നെ ഒരുപാടു പേര് കുറ്റം പറഞ്ഞു. പിഷാരടിയൊക്കെ ഒരുപാട് ചീത്ത പറഞ്ഞു.
എനിക്കതു വലിയ കുറ്റമായി തോന്നിയിട്ടില്ല. എനിക്ക് ഭയങ്കര സങ്കടമായിരുന്നു. അന്ന് നിര്‍ത്തിയതാണ്. പിന്നെ തൊട്ടിട്ടില്ല.’-ധര്‍മജന്‍ പറയുന്നു.
‘ഞാന്‍ ഉറങ്ങാന്‍ കിടക്കുമ്ബോള്‍ കാണുന്നത് ദിലീപേട്ടന്‍ വാങ്ങി തന്ന എസിയാണ്. എനിക്കതു കണ്ട് കിടക്കാന്‍ പറ്റാത്തത് കൊണ്ട് ഞാനും ഭാര്യയും മക്കളും നിലത്തു പായ് വിരിച്ചാണ് ദിലീപേട്ടന്‍ പുറത്തിറങ്ങുന്നത് വരെ കിടന്നത്.
